АНГЛИЯ-СОВЕТ-ЭРОН ШАРТНОМАСИ (1942 й. 29 янв.) – иттифоқ тўғрисидаги шартнома. Совет ва Англия қўшинлари Эронга киритилгандан сўнг тузилган. Мақсад фашистлар Германиясининг Эрон ҳудудидан СССР ва Буюк Британияга карши урушда фойдаланишига тўсқинлик қилиш эди. Шартнома 2-жаҳон урушида Эроннинг гитлерчиларга қарши иттифоқ билан ҳамкорлигини таъминлади. Уруш тугаганидан кейин иттифоқчилар қўшинлари Эрондан олиб чиқиб кетилди.