АНДРЕЕВА Ольга Ильинична (1890.29.5-1970.15.2, Москва) — Ўзбекистон халқ артисти (1952). 1938 й. дан Тошкентдаги рус драма театрида иш-лаган. Асосий роллари: Бетси (Л. Н. Толстой, «Маърифат мевалари»), Анна Андреевна (Н. В. Гоголь, «Ревизор»), Ксения, Василиса (М. Горький, «Егор Буличев ва бошқалар», «Тубанликда»), Катерина, Кручинина (А. Н. Островский, «Момақалдироқ», «Айбсиз айбдорлар»), Ҳамробуви (А. Каҳҳор, «Шоҳи сўзана), Ҳожар (Ҳамза, «Паранжи сирлари»), Рихси хола (Б. Раҳмонов, «Катта муҳаббат») ва б. А. саҳна нутқига, қаҳрамоннинг ички ва ташқи қиёфасини ёрқинроқ очишга алоҳида эътибор берган.