АНДИЖОН МЕҲМОНХОНАСИ — Андижондаги замонавий бино. Ўзбекистон давлат лойиҳалаш ин-тида ишланган лойиҳа асосида миллий меъморлик анъаналаридан фойдаланиб қурилган (1967, меъмори Н. Ҳожибеков). Бино уч қаватли. Биринчи қаватда маъмурий ва маиший хизмат кўрсатиш хоналари, қаҳвахона ва б. хўжалик хоналари, иккинчи ва учинчи қаватида меҳмонлар учун 200 ўринли хоналар жойлашган. Меҳмонхона тепасига ишланган устунли шийпон, бош бинога тақаб курилган ресторан, юқорисидаги айвон-чойхона бинога кўркамлик бахш этган. «Андижон меҳмонхонаси» м. жойлашган Бобур номидаги маркази й майдонда Андижон театри ва кинотеатр маъмурий бинолар билан уйғунлаштирилиб яхлит меъморий ансамбль яратилган.