АМПЛИТУДА (лот. amplitudo — катталик, миқдор) — муайян қонунга мувофиқ тебранаётган катталикнинг ноль қийматидан энг катта огиши. Мас, маятникнинг мувозанат ҳолатдан огиши, ўзгарувчан электр токида ток кучи ва электр кучланиши қийматларининг огиши ва ҳ. к. Бошқача айтганда, Амплитуда тебраниш қулочини ифодалайди. Тебранаётган катталик ярим тебраниш даврида бир марта энг юқори қийматга эришади. Гармоник тебранишларда Амплитуда ўзгармайди: у доимий бир хил қийматга эга бўлади.