АМФИЛИНИДЛАР (Amphilinida) — ясси чувалчанглар типининг синфи. Балиқлар ва сув тошбақаларининг тана бўшлиғида паразитлик қилади. Танаси баргеимон ёки тасмасимон, уз. 2—38 см. Ёпишув органлари ва ичаги бўлмайди. Гермафродит, жинсий органлари такрорланмайди. Бўғин алмашинув орқали кўпаяди. Тухумлари сувда ривожланади. Киприкли личинкаси (ликофора) оралиқ хўжайини (ёнлаб сузарлар, ўноёқли қисқичбақасимонлар) тана бўшлиғига ўтиб, метаморфозга учрайди. Оралиқ хўжайини билан бирга асосий хўжайини (балиқ, тошбақа) ошқозонига тушганида унинг тана бўшлиғига ўтиб олади ва паразитлик қилиб вояга етади. Амфилинидлар 1 оилага мансуб 8 тўрни ўз ичига олади. Бакра баликларда паразитлик қилувчи Amphilina foliacea кенг тарқалган.