АМАЛЬГАМАЦИЯ (лот. amalgama-қотишма) — рангли металлургияда асл металлар (олтин, кумуш ва платина) ни кукунланган руда ёки қумдан симоб ёрдамида ажратиб олиш. Рудалар тегирмонларда майдаланиб амалга ошириладиган Амальгамация ички, бойитиш шлюзларида амалга ошириладиган Амальгамация ташқи дейилади. Майдаланган руданинг сув билан аралашмаси шлюзда ҳаракатланганда металларни мис (ёки кумуш) юритилган листларга суркалган симоб тутиб қолади. Электр А. усули ҳам мавжуд. Бунда металл симоб б-н ҳўлланиб, шлюзларда ўзгармас ток таъсирида рудага ишлов берилади.