АЛЕКСАНДРОВ Павел Сергеевич (1896.25.4, Ногинск – 1982.17.12, Москва) — рус математиги. Акад. (1953). Топологиядан илмий мактаб асосчиси. 1921 й. дан Москва унверситетида ишлаган. Москва Мат. жамияти президенти (1932—64), 1964 й. дан шу жамият фахрий президенти. Асосий илмий ишлари топологияга ва ҳақиқий ўзгарувчининг функциялари назариясига бағишланган. Бикомпакт фазолар назариясини яратган, қатор «иккиламчилик қонунлари»ни исбот қилган ва ҳ. к. Умумий топологиянинг бир қанча тушунча ва теоремалари Александров номи билан юритилади. АҚШ Миллий ФА аъзоси (1947).