АЛЕКСАНДРОПОЛЬ ҚЎРҒОНИ — скифларнинг «подшо» қўрғонларидан бири (мил. ав. 3-а.). Украинанинг Днепропетровск вилоятининг Никополь ш. яқинида. А. Терешченко (1852—54) ва А. Е. Люценко (1855—56) томонидан текширилган. Аслзодаларнинг икки камеракатакомбалардаги қабрлари қадим замонлардаёқ талон-тарож қилинган. Сақланиб қолган ашёлар: тепаликдан жанг араваси қолдиғи, марказий камера яқинидан от қабри, қандайдир инсон (эҳтимол хизматкор) скелети ва ўша камеранинг йўлагидан 14 от скелети топилган. Отлар ёнидан скиф ва скиф-юнон санъати намуналари — олтин, ку-муш безакли юганлар ва эгар топилган.