АЛЕКСАНДРИЯ (ИСКАНДАРИЯ) МУСЕЙОНИ (юн. мусейон — музалар ибодатхонаси) — Александрия ш. даги қад. илмий, адабий ва олий таълим муассасаси. Мил. ав. 3-а. да подшо Птолемей I асос солган. Уни олий даражадаги коҳин бошқарган. Птолемейлар мусейонга барча эллинистик мамлакатлардан олим ва ёзувчилар (мас, Эвклид, Эратосфен, Каллимах ва б.)ни таклиф қилган. Мусейон қошида кутубхона бўлган (қ. Александрия (Искандария) кутубхонаси). Кутубхонага подшо томонидан тайинлаган олим мудирлик флган. Мил. ав. 48 й. Александрия уруши вақтида мусейоннинг бир қисми ёниб кетган. Рим империяси даврида мусейон аста-секин ўз мавқеини йўқота бошлаган. 273 й. эса император Аврелиан қўшинлари Александрияни босиб олиш чоғида мусейон ва кутубхонани вайрон қилиб, ўт қўйиб юборганлар.