АЛЕКСАНДРИТ — минерал, таркибида хром бўлган хризоберилл турларидан бири. Кимёвий формуласи А12Ве04, қаттиқлиги 8,5. С. оғ. 3,7 га яқин. Табиий ёруғликда ранги зумрад-яшил, чироқда бинафша ранг-қизил бўлади. Массаси 2—3 каратдан ортиқ бўлган тўқ рангли шаффоф кристаллари 1-класс қимматбаҳо тош ҳисобланади. Юқори т-рада пегматит ертомирларда ҳосил бўлади. Табиатда кўпинча берилл, фенакит, рутил, флюорит, апатит ва б. минераллар билан бирга учрайди. Сунъий йўл б-н олинган оч яшил корунд синтетик Александрит деб аталади.