АЛАРИХ I (тахм. 370-410 й. лар охири) — вестготлар қироли (395 й. дан). Фракияга бостириб кирган, Афинани эгаллаган, Коринф, Аргос, Спартани вайрон қилган. Шарқий Рим империяси императори Аркадий Аларих I билан сулҳ тузиб (396), унга Иллирикдаги армия магистри унвонини бергач, вестготлар федератлар сифатида Иллирикка келиб жойлашган. 401 й. А. Италияга бостириб кирган, бироқвандалларпян бўлган рим саркардаси Стилихон уни чекинишга мажбур қилган. 408 й. А. яна Италияга бостириб кириб, Римни 3 маротаба қамал қилган (қад. муаррихлар қамалдаги Римдан Аларих I армиясига кўплаб қуллар қочиб ўтганлиги ҳақида хабар беришади); 410 й. 24 авг. да А. Римни олиб, уч кун давомида талон-тарож қилган. Римнинг варварлар томонидан илк марта олиниши (ғалларнинг мил. ав. 4-а. да Италияга қилган истилосидан кейин) замондошларда катта та-ассурот қолдирган; бу ғалаба варварлар томонидан Ғарбий Рим империясининг узил-кесил босиб олинишининг бошланиши эди. А. Жан. Италияда Сицилия ва Африкага юриш қилишга тайёргарлик кўраётиб вафот этган.