АКРАМОВ Зиёвуддин Муҳиддинович (1923, Тошкент) — иқтисодчи географ. Ўзбекистонда хизмат кўрсатган фан арбоби (1983), география фан лари д-ри (1962), Мирзо Улуғбек номидаги Тошкент давлат ун-ти кафедра мудири (1970-84), проф. (1966-98). Ўзбекистон ФА Президиуми қошидаги География и. т. бўлими (ҳоз. Сейсмология ин-ти таркибида) ташкилотчиларидан бири ва раҳбари (1958— 70). Илмий фаолияти, асосан, Ўрта Осиё иқтисодий геог. сининг регионал комплекс тараққиёти муаммоларини, қ. х. географияси ва шаҳарларни тадқиқ этишга бағишланган. Акрамов 1954 й. дан Ўзбекистон Геогр. жамияти президенти ўринбосари, 1990 й. дан президенти. Беруний номидаги Ўзбекистон Давлат мукофоти лауреати (1977).