АКАРИЦИДЛАР (юн. akari — кана ва лот. caedo — ўлдираман) — ўсимликхўр каналар, омбор каналари, шунингдек уй ҳайвонлари ва парранда каналарига қарши қўлланиладиган кимёвий моддалар. Ўсимликка сиртдан кельтан, неорон, омайт, митак, олтингугурт, оҳак-олтингугурт қайнатмаси ва сингиб таъсир этувчи (фосфамид, фозалон, карбофос ва б.) А. бўлиши мумкин. Сингиб таъсир қилувчи Акарицидлар ўргимчакканадан ташқари яна ўсимлик битларини ва б. бир қанча сўрувчи зараркунандаларни ҳам нобуд қилади. Омбор каналарига қарши метилбромид, хлорпикрин ва б. А. қўлланилади. Деҳқончилик ва богдорчиликда Акарицидлар асосан ўргимчакканага қарши ишлатилади (яна қ. Пестицидлар).