АҲМЕДОВ Соли (1907.15.7, Фарғона вилояти Бешариқ қишлоғи) — актёр ва реж. Ўзбекистон халқ артисти (1964). Фарғона театри ташкилотчиларидан. Фарғона хотин-қизлар клубида тузилган ярим профессионал труппада реж. (1929). Фарғона театрида актёр ва реж. (1931-46, бош реж. 1955-67), Қўқон театрининг бош реж. и (1946—55). Қаҳ-рамонларнинг ички дунёси, хаттиҳаракати ва кечинмаларини ишонарли ифодалаш Аҳмедов ижодига хос. Асосий роллари: Ғулом («Номус ва муҳаббат»), Рустам («Рустам»), Ғофир («Бой ила хизматчи»), Мавлон («Шоҳи сўзана»), Мажидиддин («Алишер Навоий»), генерал Раҳимов («Генерал Раҳимов») ва б. Саҳналаштирган асосий спектакллари: «Фарҳод ва Ширин» (Хуршид), «Майсаранинг иши», «Холисхон», «Бой ила хизматчи» (Ҳамза), «Ҳамза», «Муқимий» (С. Абдулла) ва б.