АФРИКА ЎЙИНЛАРИ — Халқаро Олимпия қўмитаси шафелигидаги йирик минтақавий спорт мусобақалари. 1965 й. дан Африка спорти Олий кенгаши (КССА; 1965 й. Африка спорти Доимий кумитаси ўрнига тузилган) томонидан ўтказиб келинади. Бу Олий кенгашга 50 га яқин мамлакат аъзо (1989). Африка ўйинлари дастурида баскетбол, бокс, кураш, велоспорт, волейбол, қўл тўпи, дзюдо, енгил атлетика, сувда сузиш, футбол ва спортнинг бошқа турлари бор.