АЭРОФОТОРАЗВЕДКА — самолёт ёки бошқа учиш аппаратларига ўрнатилган аэрофотоаппаратлар ёрдамида ердаги объектларни суратга олиш. Аэрофоторазведкани учувчисиз ёки махсус разведкачи самолётлар бажаради. Разведкачи самолётда бир неча фотоаппарат бўлиб, улар ердан берилган дастур-топшириққа биноан автоматик равишда суратга олади ёки учувчи тегишли объектларни танлаб суратга олади. Ҳарбий ишда душман қароргоҳлари ва объектларини, стратегик иншоотларини суратга олищда Аэрофоторазведкадан фойдаланилади.