АБИОГЕН ТАБИАТ — географик қобиқ тараққиётининг органик дунёсиз утган дастлабки даври табиати. Ер тараққиётининг архей ва протерозой эонларида табиат А. т. бўлган. Абиоген табиат 2,5—3 млрд. йил давом этган деб тахмин қилинади. Бу даврда табиат Ер пўстидаги бирламчи тоғ жинслари, ҳаво ва сувлардан ташкил топган. ғоз. вақтда Ой, Уторуд (Меркурий) ва Зуҳра (Венера) сайёралари табиатини Абиоген табиат дейиш мумкин.