АБДУРАСУЛОВ Жўра Мажидович (1921.5.8 – Тошкент – 1990.9.10) – рентгенолог, Ўзбекистонда хизмат кўрсатган фан арбоби (1964), тиббиёт фанлари д-ри (1952), проф. (1954). Сам-МИ рентгенология кафедрасининг доценти (1948— 51), 1952 й. дан Тошкент врачлар малакасини ошириш ин-тининг кафедра мудири, Ўзбекистон рентгенология, радиология ва онкология и. т. ин-ти директори (1958—76). Абдурасуловнинг асосий илмий ишлари ультратовуш диагностикаси, тўғри ичак ракининг рентгенодиагностикаси ва кўп сонли рак касаллиги муаммоларига оид. У ракка қарши ва радиология соҳасидаги халқаро анжуманларда қатнашган.