АБДУҚОДИР ШУКУРИЙ Абдушукур ўғли (Абдушукуров) (1875—1943) — маърифатпарвар. Самарқанд вилоятида биринчи бўлиб янги усулда мактаб очган. Абдуқодир Шукурий мактаблар учун «Жомиъ улҳикоят» (1907), «Зубдат ул-ашъор» (1907) каби ўқув қўлланмаларини яратган. М. Беҳбудий билан биргаликда мактаблар учун дастур тузган. 1917 й. тўнтаришидан кейин ҳам халқ мактаблари ва ўқитувчилар курсларида муаллимлик қилган.