АБДУЛЛАХЎЖАЕВА Малика Самадовна (1932.28.11, Москва) — патолог-анатом, Ўзбекистонда хизмат кўрсатган фан арбоби (1980). Ўзбекистон ФА акад. (2000). Тиббиёт фанлари д-ри (1968), проф. (1970), ТошТИни битирган (1956). ТошТИ Марказий и. т. лабораторияси мудири (1960 — 62), Ўзбекистон рентгенология, радиология ва онкология и. т. институти патоморфология ва гистохимия лаб. мудири (1963-69), ТошТИ (1969 – 90), 1990 й. дан 2-ТошТИ патологик анатомия кафедраси мудири. Абдуллахўжаеванинг илмий ишлари, асосан нерв системасининг иммунопатологияси, географик патология ва тиббиёт тарихи масалаларига бағишланган, Ўзбекистонда тиббиёт соҳасидаги янги йўналиш — трансплантацией иммунопатология асосчиси. Ўзбек ва рус тилларида чоп этилган биринчи патологик анатомия дарслигининг (1997) муаллифи. Калифорния штатининг фахрий фуқароси (1986 й. дан).