АБДУЛЛАЕВ Самиғ Файзуллович (1917.25.10 – Тошкент – 1998.10.5) – рассом. Ўзбекистонда хизмат кўрсатган санъат арбоби (1975). Тошкент бадиий билим юрти (1933 — 38) ва Тошкент санъат ин-ти (1954 — 60)да таълим олган. 2-жаҳон уруши катнашчиси. Тамань ва Керчь я. о. ларида кўрсатган жасорати учун Қаҳрамон унвони берилган (1944). Ўзбекистон Рассомлар уюшмаси бошқаруви раиси (1945 — 55), Ўзбекистон давлат санъат музейи директори (1956 — 88). Абдуллаев ижоди ранг-баранг ва сермазмун, асарларида табиат, инсон гўзаллиги, айниқса замондошлари, уруш қаҳрамонлари, меҳнаткаш халқ ўз аксини топган. Портретлар («Автопортрет», 1945; «Резида», 1954; «Генерал-лейтенант Ф. Норхўжаев», 1977; «Б. Бобоев», 1985 ва б.), манзаралар («Колхоз манзараси», 1953; «Чирчиқ водийсида», 1977; «Баҳор», «Денгиз бўйида», 1979), натюрмортлар («Гуллар», 1966; «Тошкент мевалари», 1981; «Натюрморт», 1985 ва б.) яратган.