АБДУЛЛАЕВ Ўринбой (1912. 18.4, Тўрткўл тумани) — 2-жаҳон уруши қатнашчиси, 2-Болтиқбўйи фронти, 3-зарбдор армияси, 219-ўқчи дивизияси, 375-ўқчи полкининг 1-ўқчи ротаси ўқчиси. Латвиянинг Лудзе ш. атрофидаги жангда душман қўшинлари чегарасини биринчи бўлиб ёриб кирганлиги учун Қаҳрамон унвони берилган (1945). Урушдан сўнг Қорақалпоғистоннинг Тўрткўл туманига қайтиб, чорвачилик соҳасида меҳнат қилган.