АБДУЛЛАЕВ Рустам (1947.12.2, Хива) — композитор. Ўзбекистон Республикаси санъат арбоби (1997). Тошкент давлат консерваториясини тугатган (1972). 1985 й. дан Тошкент консерваториясининг ўқитувчиси. ЎзР Композиторлар ва бастакорлар уюшмасининг котиби (1985-95), раиси (1995 й. дан). 4 опера — «Шодимулк» (1975), «Садоқат» (О. Матчон, 1980), «Хива ордени» (Э. Самандаров, 1985), «Кимлар зор, кимга хор» (М. Мирзо, 1994); «Қуёшга таъзим» балет-ораторияси (Ў. Умарбеков, 1984); симфония (1975) ва 3 симфоник поэма (1968—70); фортепиано ва оркестр учун 5 та концерт (1972—95), камер-вокал, хор ва б. асарларнинг муаллифи. Асарлари Ўзбекистон ва чет эл концерт саҳналари (Россия, Украина, Швеция, Таиланд, Жан. Корея ва б.)да ижро этилади.