АБДИРОВ Чаржау Абдирович (1933.20.12, Қорақалпоғистон Республикаси Қораўзак шаҳарчаси — 1997.3.7, Нукус) — микробиолог олим. Ўзбекистон ФА акад. (1989), Қорақалпоғистонда хизмат кўрсатган фан ар-боби (1979). Тиббиёт фанлари д-ри (1973). Тошкент тиббиёт ин-тини битиргач (1955), шу ин-т микробиология кафедрасининг ассистенти (1958 — 61), Ўзбекистон Республикаси ФА Қорақалпоғистон филиалида катта илмий ходим (1961—69), Ўзбекистон Тери-таносил касалликлари и. т. институти Қорақалпоғистон филиали директори (1969), Қорақалпоғистон Соғлиқни сақлаш вазири (1969—76), Нукус давлат ун-ти ректори (1976—85), Ўзбекистон ФА клиник ва экспериментал тиббиёт и. т. институтида бўлим мудири ва директор (1985-97). Асосий илмий ишлари микробиология ва иммунология масалаларига бағишланган. Ўзбекистон Республикаси Олий Мажлисининг депутати ва Олий Мажлиснинг Атроф муҳит ва табиатни муҳофаза қилиш масалалари қўмитаси раиси (1994—97).