АБАШИДЗЕ Григол Григорьевич (1914.19.7, Чиатура – 1994) – грузин ёзувчиси. Грузия ФА акад. (1979). Дастлабки шеърлари 1938 й. да матбуотда эълон қилинган. Илк поэмаси «Қора шаҳарда баҳор» 1938 й, нашр этилган. «Душманлар» (1941), «Георгий Олтинчи» (1942), «Байроқлар» (1943), «Енгилмас Кавказ» (1943) поэмаси ва б. асарлари 2-жаҳон уруши ҳақида. Абашидзе «Биринчи тбилисиликлар ҳақида афсона» (1959), «Уч даврга саёҳат» (1961) поэмалари, «Олтин узумзор» (1969) тупламига кирган шеърлари замонавии мавзуда. «Лашарела» (1957), «Узоқ тун» (1963), «Карнали» (1969) тарихий романларида Грузиянинг 13-а. даги ҳаёти акс этган. А. Грузия Давлат гимни ҳаммуаллифларидан.