БЎНОҚХОН, Боняк (? 1167 й. дан сўнг) — қипчоқлар (половецлар) хони. Киев Руси ва Византияга муттасил чопқунлар қилиб турган. Йилномаларда дастлаб 1096 й. Киевга ҳужум килганлиги муносабати билан ёдга олинган. 1097 ва 1105 й. ларда рус ерларига яна қайта чопқун уюштирган. 1107 й. Владимир Мономах, Святополк, Олег ва б. рус князлари қўшинлари томонидан мағлуб қилинган. Йилномада сўнгги бор 1167 й. да, князь Олег Святославичдан мағлуб бўлганида ёдга олинган.