БЎЗСУВ ГЭС — Ўзбекистонда қурилган дастлабки гидроэлектр ст-я. Тошкентнинг Бўзсув каналида 1923 й. да қурилиши бошланиб, 1926 й. 1 майда ишга туширилган. Қуввати 4 минг кВт. 30-й. ларда унинг қуввати Ўзбекистонда мавжуд бўлган барча ГЭСлардан юқори бўлган ва Тошкент саноат корхоналари, шаҳар транспорти ва аҳолини электр энергияси билан таъминлашда катта аҳамиятга эга бўдди. Ҳозир Бўзсув гэс ГЭС тўла автоматлаштирилган, ягона диспетчерлик пунктидан бошқарилади.