БЭН (Bain) Александер (1818.11.6 Абердин, Шотландия — 1903.18.9) — инглиз психологи, ассоциатив психология намояндаси. Буюк Британиядаги Абердин ун-ти проф. (1860). 2 жилдли «Мантиқ» асарида (1870) табиий фанларга мантиқий усулларни қўлланишнинг барча услубларини муфассал баён қилган. Бундан ташқари инсон мияси ва унинг нерв системасида юз берувчи физик жараёнларни психологик тадқиқ қилиш билан шуғулланган. Унинг асарлари физиологик психологиянинг вужудга келишига маълум даражада асос бўлган.