БЬЕРКНЕСЛАР (Bjerknes) — ота ва ўғил норвег геофизиклари:
1) Вильгельм Фриман Корен (1862 — 1951) — метеорологияда фронтологик илмий мактаб асосчиси. Суюқлик ёки газда циркуляциянинг тезлашиши тўғрисидаги теорема, циклонларнинг тўлқин назарияси муаллифи. Обҳавони олдиндан айтишнинг динамик усулларини ишлаб чиққан. Норвегияда обҳаво хизматига асос солган (1917);
2) Якоб (1897—1975) — атмосфера фронтлари ҳақидаги таълимот асосчиларидан бири. Асарлари циклонлар эволюциясига, уларнинг атмосферанинг умумий циркуляциясидаги аҳамиятига, океан сувларининг атмосфера жараёнларига таъсири ва б. га дойр.