БУҒ-ҲАВО ЎЛЧАГИЧ — ёниш маҳсулотлари сарфи ва ҳосил бўлаётган буғ миқдорини ўлчайдиган асбоб; дросселли буғ ўлчагич ва дифференциал тягомер мажмуидан иборат. Бир шкалали ва икки мил (стрелка)ли умумий иккиламчи кўрсатувчи асбоби бор. Иш тарзи ёниш маҳсулотлари сарфи (дифференциал тягомер билан ўлчанади) қозоннинг буғ ҳосил қилиш унумига (дросселли ва буғ ўлчагич билан ўлчанади) мутаносиблигига асосланган. Буғ-ҳаво ўлчагич ишлатилганда қозон агрегати ишини назорат қилиш осонлашади; бунда нагрузка ва ёниш жараёнини ростлаш учун иккала мил бир-бирига мое келтирилади.