БУҒЛАТКИЧ — суюқликлар (сув, совитиш агенти ва б.)нинг буғланиш жараёни амалга ошадиган иссиқдик алмашгич. Буғлаткич, мас, иссиқлик электр ст-яларида сарфланадиган конденсат ўрнини тўлдирувчи дистиллат олишда ишлатилади. Тузилишига қараб, горизонтал буғ қувурли (қиздирадиган буғ қувур атрофидан оқиб ўтади) ва анча такомиллашган вертикал сув қувурли (сув қувур ичидан оқиб ўтади) хилларга бўлинади. Буғлаткич 1, 2 ва кўп босқичли бўлади.