БУҒЛАНУВЧАНЛИК — муайян атмосфера шароитида мумкин бўлган энг юқори буғланишни ифодалайдиган шартли катталик. Бунда махсус идишдаги сув юзасидан, табиий чучук сувли катта сув ҳавзаси юзасидан ёки ортиқча намланган тупроқдан буғланиш кўзда тутилади. Бу сиртлардан Буғланувчанлик бир хилда бўлмайди, чунки идиш б-н табиий сув ҳавзалари ва ортиқча намланган тупроқнинг буғланиш шароитлари бир-биридан фарқ қилади. Буғланувчанлик буғланган сувнинг мм да белгиланган қатлами орқали ифодаланади. Бошқа жойларга нисбатан Ўрта Осиё шароитида Буғланувчанлик юқори. Mac, швейцариялик физик Г. И. Вильд буғлантиргичи бўйича ўлчанганда бир йиллик ўртача Б. Москвада 417 мм, СанктПетербургда 320 мм бўлса, Нукусда — 1798 мм.