БУЮРУҚ (туркча буюр + уқ) — Турк хоқонлиги (552—744), Қорахонийлар даврда бош вазирлик мансаби. Ҳукмдор девонида бу лавозимни фақат бир шахсгина эгаллаб турган. Буюруқ ҳарбий ҳаракатларда ҳам қатнашган ва йирик аскарий қисмларга саркардалик қилган. Вазир истилоҳи кенг оммалашгани туфайли Буюруқ 12-а. дан архаик сўзлар қаторидан ўрин олган.
Ад.: Малов С. Е., Памятники древнетюркской письменности, М. —Л., 1951.