БУШ Жорж Уокер (1946.6.7, НьюХейвен, ш., Коннектикут штати) — АҚШнинг 43-президенти (2001 й. дан). Буш Жорж Герберт Уокернинг ўғли. Йел ун-ти (1968), Массачусетс штатининг Кембриж ш. даги Гарвард бизнес мактаби (1975)ни тугатган. 1968 й. учувчилар курсини тамомлаб, учувчи сифатида 2 й. ҳарбий хизматда бўлган. 1970 й. дан Хьюстондаги қ. х. компаниясида ишлаган. Хусусий компания ва корхоналарни бошқариш бўйича магистр даражасига эга. 1975 й. дан Мидленд ш. да нефть бизнеси бўйича тадбиркор. 1977 й. дан «Арбусто Энержи» (кейинчалик «Буш эксплорейшн»), 1984 й. дан «Спектрум7» нефть компанияси президенти. 1986 й. дан «Харкен энержи корпорейшн» компаниясида маслаҳатчи. 1988 й. дан Техас штатининг Даллас ш. даги «Техас рейнжерлари» профессионал бейсбол командаси инвестори. 1994 й. дан Техас штати губернатори. 2000 й. нояб. даги сайловда Республикачилар партиясидан АҚШ президенти этиб сайланган.