БУХОРО ТУМАНИ — Бухоро вилоятидаги туман . 1926 й. 29 сент. да ташкил этилган. Бухоро тумани шим. да вилоятнинг Вобкент ва Ромитан туманлари, ғарбда Жондор тумани, шаркда Когон тумани, жан. шаркда Қоровулбозор тумани ва Навоий вилоятининг Қизилтепа тумани б-н чегарадош. Майд. 1,32 минг км2. Аҳолиси Ю9 минг киши (2001). Бухоро туманида 1 шаҳар (Галаосиё), 12 қишлоқ фуқаролари йиғини (Боғикалон, Истиқлол, Кўчкамар, Лоша, Работқалмоқ, Соҳибкор, Сўфикоргар, Ширгарон, Юринболо, Янгиҳаёт, Қаволамаҳмуд, Қунжиқалъа) бор. Маркази — Галаосиё ш.
Табиати. Бухоро тумани ер юзаси пасттекисликдан иборат. . Туман ҳудудида Ўртачўл яйлови бор. Иқлими континентал иклим. Янв. нинг ўртача т-раси 0° дан —2» гача, июлники 28°—29°. Йилига 50—120 мм ёғин тушади. Туман ҳудудидан Шоҳруд канали ва Аму Бухоро машина каналитнт шим. ғарбий тармоғи ўтади. Туман ерларининг анча қисми шўрланган. Ер шўрини камайтириш ишлари олиб борилмоқда. Шўр, шўрхок, шўртоб, гилли, қумли, қумоқ тупроклар тарқалган. Саксовул, юлғун, шувоқ, шўра ва б. усади. Юмронқозиқ, суғур, сассиқкўзан, қушлардан тувалоқ, олабовур, қорабовур, қирғовул ва б. учрайди.
Аҳолиси, асосан, ўзбеклар, шунингдек, тожик, рус, туркман, озарбайжон, татар ва б. миллат вакиллари ҳам яшайди. 1 км2 га 82,5 киши тўғри келади.
Хўжалиги. Туман хўжалигининг асосий тармоқлари — пахтачилик, чорвачилик, ипакчилик, сабзавотчилик ва ҳунармандчилик. Туманда «Тошкент Коттон» чойшаб ва ички кийимлар и. ч. қўшма корхонаси, 269 фермер хўжалиги, узумни қайта ишлаш, «Шифо» маҳаллий минерал сув корхоналари бор. Жарқоқ конидан газ олинади ва нефть қазиб чиқарилади. Умумий экин майд. 26976 га, шу жумладан 12700 га ерга пахта, 6743 га ерга донли экинлар экилади. Боглар 1080 га, токзорлар 1327 га, тутзорлар 542 га, ўрмонзорлар 110 га, сабзавот ва полиз экинлари 1045 га ни ташкил қилади. Туманда 44,4 минг корамол, 47,1 минг қоракўл қўйи бор (2001). Қўйлар Ўртачўл яйловида боқилади. Туман ҳудудидаги автомобиль йўлларининг умумий уз. 1411 км. Т. й. узунлиги 29 км. 2000/2001 ўқув йилида 52 умумий таълим мактаби, 2 иқтидорли болалар лицейида 2279 мураббий ишлади. 43 оммавий ва болалар кутубхонаси, 4 клуб, маданият уйи, 300 ўринли касалхона, меъдаичак ва жигар хасталикларини даволаш санаторийси, қишлоқ амбулаторияси бўлиб, уларда 172 врач, 1013 ўрта маълумотли тиббий ходим ишлайди. «Галаосиё овози» туман газ. чиқади (адади 4500).