БУХОРИЙ Шамсиддин Муҳаммад ибн Муборакшоҳ Мирах (?, Бухоро — 1340) — риёзиётчи ва фалакиётшунос, файласуф. Ҳиротда ижод қилган. Бухорийнинг «Зиж» номли асари машҳур. Унда алБаттоний зижи, Абдураҳмон алХазинийнинг «Зижи асСанжарий», Али ибн Абдул Карим Ширвоний (12а. ўрталари)нинг «Алауддин Зижи», Хусомиддин асСалар (? — 1262)нинг «Зижи шоҳи», Н. Тусийимнт «Зижи Элхоний» асарлари ҳақида қимматли маълумотлар бор. Риёзиётчи олим Шамсиддин Самарқандий (13-а. нинг 2-ярми)нинг Г«еометрия асослари» («Ашкол аттаъсис») асарига, Б. Чағминий (? — 1220)нинг «Астрономиянинг секача баёни» асарига шарҳ ёзган. Бухорийнинг илми нужум (астролябия) ҳақида асари ҳам мавжуд. Асарлари Англия, Венгрия, Германия, Россия, Миср, Ҳиндистон, Эрон ва б. мамлакатларнинг қўлёзма фондларида сақланади.
Ад.: Матвиевская Г. П., Розенфельд Бухорий, Математики и астрономы мусульманского средневековья и их труды (VIII—XVII вв.), М., 1983.