REXTA (fors. — sochilgan, quyilgan) — Oʻrta asr Sharq madaniyatida yuzaga kelgan adabiymusiqiy janr. Dastlab ikki (Mas, forsurdu yoki arabturk) tilda bitilgan sheʼr, keyinchalik oʻziga xos vokal musiqa shakli sifatida rivoj topgan. Rexta asosan yengil (ufar kabi) usullarga boglanib, sarxona, miyonxona va bozgoʻy kabi tarkibiy qismlardan tashkil topgan, forscha matnga qoʻshiladigan arab, hind yoki turkcha sheʼrlar bilan aytilgan. Kavkabiy, Darvishali Changiy, Noiniy, Davri Sufrocha Karamiy va b. musiqiy risolalarida taʼkidlaganidek, Rexta 16-a. ga kelib Movarounnahr, Xuroson va Hindistonda keng tarqalgan.