REFLEKS (lot. refl exus — orqaga qaytgan, shuʼla) (tasviriy sanʼatda) — rangtasvir (baʼzan grafika)da biror narsadan qaytgan rang va nur shulasi; narsalarga uni oʻrab turgan obyektlar (qoʻshni narsalar, osmon va h. k.)dan qaytayotgan nurning aksi tushishidan hosil boʻladi. «Refleks» terminini ham naturaning oʻziga; ham uning tasviriga birday qoʻllash mumkin. Refleksning aniq va nozik ifodalash bilan hajmni, ranglar boyligini va tasvirlanayotgan naturaning tuslarini ularning oʻzaro murakkab munosabatlarida yaratishga erishiladi.