RAHIMOV Abduqahhor, Qahhor baxshi (1955, Dehqonobod tumani, Xoʻjamahmud qishlogʻi) — Oʻzbekiston xalq baxshisi (2001). Jarangdor ovoz sohibi. Dehqonobod tumani umumtaʼlim maktabi oʻqituvchi (1980-y. dan). Dostonchilik sirlarini otasi Qodir baxshi Rahimovdan oʻrgangan. Repertuaridan 20 ga yaqin doston («Alpomish», «Yodgor», «Goʻroʻgʻli», «Avazxon», «Malikai ayyor», «Malla savdogar» va b), oʻzi ijod qilgan turli mavzudagi termalar oʻrin olgan. Rahimov koʻpgina doʻmbira kuylarini ham mahorat b-n ijro qiladi. «Alpomish» dostoni yaratilganligining 1000-yilligiga bagʻishlangan Xalqaro baxshishoir va oqinlar festivalining 1oʻrin sovrindori (Termiz, 1999). 1997-y. da AQSHda gastrodda boʻlgan.