RAZZOQOV Hoshimjon (1916, Andijon viloyati Koʻnchi qishlogʻi — 1982.15.3, Andijon) — adabiyotshunos. Filol. fanlari d-ri (1972), prof. (1973). Toshkent Pedagogika in-tini tugatgan (1941). Andijon pedagogika in-ti oʻqituvchisi (1952—54), oʻzbek adabiyoti kafedrasi mudiri (1954—82). Asosiy ilmiy ishi oʻzbek xalq ogʻzaki ijodida satira va yumor mavzuida. Zavqiy, Hayratiy, Oraziy kabi shoirlar asarlarini nashr ettirgan («Zavqiy», 1955; «Oraziy», 1959). Xalqijodini, xususan, Fargʻona vohasida tarqalgan folklor namunalarini toʻplagan, nashrga tayyorlagan, oʻrgangan («Latifalar», 1965; «Gulyor» qoʻshiklar toʻplami, 1967). «Fargʻona chashmalari» sheʼrlar toʻplami (1962) va «Nodira» pyesasini yozgan.