RADIOZOND (radio… va zond) — erkin atmosferada meteorologik elementlar (bosim, tra, namlik)ni oʻlchaydigan va shu ondayoq oʻlchash natijalarini radiosignallar orqali Yerga uzatadigan aerologik asbob. Yerdagi qabul qiluvchi radiopriyomnik orqali olingan signallarga ishlov berilib, atmosferaning turli balandliklaridagi (30—40 km gacha) meteorologik elementlar haqida maʼlumot olinadi. Radiozond vodorod bilan toʻldirilgan yupqa rezinali havo shari yordamida uchiriladi.
Rus meteorologi P. A. Molchanov ixtiro qilgan Radiozond 1930-y. 30 yanv. da dunyoda birinchi marta Pavlov aerologik rasadxonasidan (Sankt-Peterburg yaqinida), Toshkentda esa Radiozond birinchi marta 1935-y. 10-noyabrda osmonga chiqarilgan.