QOLOQSOY, Kolaksais — skiflar bobokaloni Targʻitoysh kenja oʻgʻli. Gerodotnnnt yozishicha, Qoloqsoydan skiflarning paralatlar qabilasi tarqalgan. Bu qabila podsho-skiflar qavmidan boʻlgan. Rivoyatlarga koʻra, bu davrda skiflar yeriga osmondan oltin buyumlar: omoch, boʻyinturuq, oybolta va qadah tushgan. Akalari Lipoqsoy va Arpoqsoy ularga yaqinlasha olmagach, Qoloqsoy bu buyumlarni yerdan koʻtarib olishga va oʻz uyiga olib kirishga muvaffaq boʻladi. Qoloqsoy oltin buyumlarga ega boʻlgach, skiflar podshosi etib saylangan. Bu buyumlarni skif podsholari nihoyatda ehtiyot qilib saqlaganlar. Har yili ularga atab qurbonlik qilishgan. Qoloqsoy skiflar mamlakatini uchta podsholikka boʻlib, 3 oʻgʻliga taqsimlab bergan. Oltin buyumlar eng katta podsholikda asralgan.