QOBULOV Anatoliy Zuhurovich (1934.14.2, Toshkent – 2003.29.7, Moskva) — rej., aktyor. Oʻzbekiston xalq artisti (1987). Toshkent davlat teatr va rassomlik sanʼati in-tini tugatgan (1957). 1958—63 y. lar «musiqali drama» kafedrasini boshqargan. Ayni vaqtda Oʻzbek davlat estradasi bosh rej. i, Hamza teatrining sahnalashtiruvchi rej. i sifatida faoliyat yuritgan. Hamza teatrida «Imon» (I. Sulton), «Olma gullaganda» (O. Yoqu-bov), «Shubha» (Uygʻun), «Assalom, yulduzlar», «Faust va oʻlim» (Levada) kabi spektakllar, Oʻzbekiston rus drama teatrida «Tosh uy», Berdaq nomidagi teatrda «Levyanixa orbitada» spektakllarini sahnalashtirgan. 1964-88 y. lar «Oʻzbekfilm» da rej., 1988-98 y. larda «Nashtar» satirik kinojurnalida bosh muharrir, rej., aktyor. 1986—2002-y. lar Toshkent sanʼat in-ti prof. «Uyimga kir», «Yoz yomgʻiri», «Sen mening qoʻshigʻimsan», «Boʻysunmas», «Jontoy qasa-mi» kabi badiiy, «Yangi yil bilan» televizion, «Halima Nosirova» kabi hujjatli filmlar yaratgan. «Rahim va qoʻngʻiz», «Dovyurak musiqa» kabi multiplikatsion filmlarning ssenariysini, «Folbin kim», «Choʻpon va goʻzal malika haqida ertak» va b. pyesalar yozgan. «Fidoiy», «Oydin sahifa», «Chinor» kabi filmlarda suratga tushgan. Soʻz ustasi sifatida ham faoliyat yuritgan. Hamza nomidagi Oʻzbekiston Davlat mukofoti laureati (1983).