POLIMETILMETAKRILAT — metilmetakrilatning chiziqli termoplastik polimeri. Rangsiz, shaffof modda, yorugʻlikni 91% dan ortiq oʻtkazadi. Fizikkimyoviy xossalari yuqori: oson kesiladi, yelimla-nadi, kavsharlanadi. Metilmetakrilat atseton dixloretan va benzolda yaxshi eriydi. Suv, ishkrrlar, benzin va moylar taʼsiriga chidamli. Polimetilmetakrilat turli ini-siatorlar taʼsirida blokli yoki emul-sion usulda olinadi. Polimetilmetakrilat blokli usulda monomerni mineral shishadan ishlangan qoliplarda 45—125° t-rada 24—30 soat mobaynida polimerlab hosil qilinadi. Polimetilmetakrilat emulsiyali usulda me-tilmetakrilatni nikelli reaktorlarda suvli muhitda initsiatorlar (peroksidlar) va emulgatorlar ishtirokida 75—85° da 4—6 soat mobaynida polimerlab olinadi. Polimetilmetakrilat organik shisha (MDH mamlakatlari), pleksiglas (AQSH, Germaniya, Fransiya), perspeks (Angliya) deb yuritiladi. Polimetilmetakrilat rangsiz va turli rangli, tiniq va xira, plastifikatlangan, plastifi-katlanmagan, yupqa taxta va bloklar holida chiqariladi. Aviatsiyada, kemasozlikda, avtomobil sanoatida, tib-biyotda, q. x. da va b. da qoʻllanadi. Dis-persiyali va suvli eritmalari yorugʻlik nuriga chidamli, hidsiz lok-boʻyoq qoplamalar va yelimlar tayyorlashda ishlatiladi.