БОМОНТ

БОМОНТ — АҚШ жан. даги шаҳар, Нечес дарёси бўйида, Техас штатида. Аҳолиси 114 минг киши (1990, шаҳар атрофи билан 360 минг киши). Денгиз порти (юк ортиб тушириш йилига 50 млн. т; нефть ва химикатлар четга чиқарилади), кема қатнайдиган канал орқали Мексика қўлтиғи билан богланган. АҚШ даги энг йирик нефтни қайта ишлаш саноати марказларидан бири. Нефть кимёси, кимё, кемасозлик саноати корхоналари бор. Қора металлургия ривожланган. Нефть қазиб олиш жиҳозлари ишлаб чиқарилади.