БОЛҚИН (Muricaria alopecuroides Schrenk) — юлғундошлар оиласига мансуб туксиз чала бута, бўйи 2 м ча. Барглари тухумсимон ёки наштарсимон, бандсиз, майда, уз. 10—12 мм. Гуллари икки жинсли, косачаси асосигача бўлинган; тожбарги 5 та, чангчилари 10 та, 5 таси узун. Тўпгуллари бошоқсимон, ёш шохчаларнинг учида жойлашган. Кўсаги силлиқ, уз. 10 мм, эни 3 мм келади. Майдан сент. гача гуллайди. Б. Тошкент, Фарғона, Самарқанд ва Қашқадарё вилоятларининг тоғли ҳудудларида ўсади.