БОЛТАЕВ Ҳожихон [1902, Хонқа (ҳоз. Янгиариқ) тумани Қорчимон қишлоғи 1987.12.8, Чоржўй (Хонқа тумани қабристонига дафн этилган)] — хонанда, Ўзбекистон халқ артисти (1969). Хоразммақомчилик мактабининг намояндаси. Хоразм вилояти мусиқали драма театрида (1934 — 41, 194961), миллий эстрадада (194249), М. Худойбергенов раҳбарлигидаги мақом ансамблида (1942 — 45) ишлаган. 1962—72 й. ларда Урганч ш. маданият уйида ўзи ташкил этган мақомчилар ансамблининг раҳбари. Репертуаридан Хоразм мақомлари, суворалар ва б. йирик ашула йўллари ўрин олган. Жарангдор ва ёқимли овоз соҳиби. Товуш кучини равон тақсимлаш, авжларга енгил чиқа бориш ва уларни узоқсақлай олиш Болтаев услубига хос. Болтаев тўла ижро этган Бузрук, Сегоҳ мақомлари Санъатшунослик и. т. институти, кўплаб сувора ва мақом йўллари Ўзбекистон радиоси ҳамда Тошкент грамёзув студияси томонидан ёзиб олинган. Болтаев — Хоразм мақомчиларидан Н. Юсупова, Қ. Искандаров, ҳофизлардан Р. Жуманиёзов, К. Ҳожиев, С. Авазов ва б. нинг устози. 1990 й. дан Хоразмда Болтаев номида хонандалар танлови ўтказилмоқда.