БОЛТ КЕСИШ СТАНОГИ — болт, шпилька, трубаларга резьба кесувчи металл кесиш станоги. Плашкалар (резьба қирқиш асбоблари) ўрнатилган винт кесиш каллаги билан жиҳозланган. Ишлов бериладиган буюм суппорт тискиларига маҳкамланиб, станок станинаси бўйлаб сурилади ва плашкаларга тегади; шундан сўнг буюм ҳаракатини плашкалар амалга оширади ва резьба кесади. Ишлов берилгандан сўнг плашкалар буюмни автоматик тарзда бўшатади. Болт кесиш станогининг иш унумдорлиги токарлик ва резьба фрезалаш станоклариникига нисбатан юқори.