LASSO Orlando [aslida Rolan de Las-syu (Roland de Lassus); taxm. 1532, Belgiyadagi Mons sh. — 1594.14.6, Myunxen] — frank-flamand kompozitori, polifoniya uslubining yirik ustasi, niderland maktabiiint asoschilaridan. Bolalikdan cherkov xorida kuylagan. 1544-y. dan Italiya, Fransiya, Angliya mamlakatlarida xizmat qilib, turli milliy musiqa uslublarini ijodiy oʻzlashtirgan. 1560-y. dan Myunxen saroy kapellasini boshqargan. Butun Yevropada mashhur boʻlib, «belыiyalik Orfey» nomiga sazovor boʻlgan. Lasso oʻz davrining barcha diniy (messa, motet) hamda dunyoviy (italyan madrigali, vilanella, fransuz shansoni, koʻp ovozli nemis qoʻshigʻi va b.) musiqa janrlariga murojaat etib, 2000 dan ziyod asarlar yaratgan. Uning ijodi 16-a. xor polifoniyasining choʻqqisidir. Antik va Uygʻonish davridagi shoirlar sheʼrlariga bastalagan vokal asarlarida turli «qahramon» va «jonli saxna»larni alohida mahorat bilan ifodalab bergan. Asarlarning aksariyati 16-a. ning oʻzida nashr etilgan.