БИРЛАШГАН МИЛЛАТЛАР ТАШКИЛОТИНИНГ ОЗИҚОВҚАТ ВА ҚИШЛОҚ ХЎЖАЛИГИ ТАШКИЛОТИ (ФАО) — хукуматлараро жаҳон ташкилоти, БМТнинг ихтисослашган муассасаси. 1945 й. тузилган. Вазифаси: овқатланиш, озиқ-овқат, қ. х. масалалари бўйича маълумотлар йигиш ва уларни ўрганиш, озиқ-овқат маҳсулотлари ва б. ни ишлаб чиқариш ва сотишни яхшилашга ёрдам беришдан иборат. Марказий идораси Римда. 1999 й. охирида ташкилотга 180 дан ортиқ мамлакат аъзо бўлди. Римда жаҳон бўйича қ. х. ва озиқовқат маҳсулотлари етиштириш, ишлаб чиқариш ва б. га оид статистик тўпламлар нашр этади.